Tungkol sa blogger

Ginawa ang blog na ito upang magsilbing sisidlan ng marami kong mga ideya tungkol sa iba't ibang mga bagay. Minsan habang naglalakad o kumakain, madalas kapag naliligo, o kahit walang ginagawa at nakahiga lamang sa kama at nakatingala sa kisame, sa mga ganoong pagkakataon ako mas nakakapag-isip-isip. Isang koleksyon ng mga kwento, kathang-isip man o katotohanan, at kahit mga walang kwentang bagay-bagay. Kahit ano, pwede.
- Abigail Jayin

Mga Popular na Post

Blogroll

Nobyembre 23, 2011
"Basically, simple lang naman ang sinasabi ng Kirchoff's Laws, e," wika ng guro ko sa Electronics. "Mahahati ang current kapag naghiwalay ng pupuntahan."

Tumangu-tango ako habang nakikinig. Alam na namin ito dahil hindi na bago ang sinasabi niya para sa amin.

"Dahil kung anong pinadaan mo, yun din ang lalabas." Tama nga naman.

"Kung anong ibinigay, siyang matatanggap."

Okay, pilit na. Pero pwede na rin. E, pa'no kung sobra-sobrang energy ang ibinigay mo, pero paikot-ikot lang naman ang nangyayari?

Short circuit ang tawag doon.

Nobyembre 14, 2011
Ayan, opisyal nang nagsimula ang ikalawang sem sa taong ito. At syempre, marami ring mga bagong mangyayari sa hinaharap.

Buong sembreak wala akong ginawa kundi magtrabaho, at saka ko lang napagtanto na ang sembreak ay dapat ginugugol sa pagpapahinga at hindi sa pagtatrabaho. Kaya naman napag-isipan kong maging abala.