Oktubre 20, 2011
Nagdiriwang ngayon ng kaarawan ang aking gurong tagapayo, ngunit dahil pinipili niyang hindi siya magdiwang ng kaarawan, hindi ko siya pwedeng batiin. Haha. Tribute ko sa kanya ang post na ito.
Ang tulang ito ay kasama sa mga ipinasa ko sa MP 10 para sa portfolio project namin, at naisip kong ngayon i-post dahil akma sa okasyon. Meron pa akong isang tulang sinulat na siya rin ang inspirasyon, ngunit isinulat ko sa wikang Ingles naman kaya hindi ko na ipo-post dito.
Ang tulang ito ay kasama sa mga ipinasa ko sa MP 10 para sa portfolio project namin, at naisip kong ngayon i-post dahil akma sa okasyon. Meron pa akong isang tulang sinulat na siya rin ang inspirasyon, ngunit isinulat ko sa wikang Ingles naman kaya hindi ko na ipo-post dito.
Para sa Aking Gurong Tagapayo
Bihirang-bihira ang gurong tulad mo
Walang katulad sa lahat ng aspeto
Mapalad ang magiging estudyante mo
Lalo na at kung ikaw ang tagapayo
Unang araw pa lamang ng pagkikita
Nagliliwanag ang kanyang mga mata
Ibang klaseng tuwa at sigla ang dala
Sa mga kalul’wang ligaw at tulala
Bihira ang mga taong katulad mo
Handang buksan nang buo ang kanyang puso
Ibahagi ang buhay at pagkatao
Alang-alang sa aming ikakatuto
Kahit pagkain ay kanyang hahatiin
Kaunting pamasahe’y pagkakasyahin
Gutom at antok ay kanyang titiisin
Masiguro lang ang kapakanan namin
Kahit gaano kagulo at kaingay
O kaya naman ang lahat ay matamlay
Walang mga homework at puro alibi
Di nagsasawang magturo at gumabay
Sa hangad na ipagbuti ang sarili
Susuungin ang mga dayuhang lahi
Tanging nais ay matuto nang marami
Upang marami ring maibabahagi
Pangarap ko rin ay maging katulad mo
Di mapigilan ang paghanga sayo
Bata pa’y malayo na ang narating mo
Pambihira ang mga taong tulad mo
Mag-subscribe sa:
I-post ang Mga Komento (Atom)
0 puna: